Псков обласьтса Усвяты районын Паметь вахтасӧ таво вӧлі сиӧма "Гвоздика" корсьысян отрядса медводдза командир Иван Петрович Михайловлы.
Августын сэні уджаліс Россияса некымын регионысь, тшӧтш и Комиысь, 176 морт. Чилимдін ра-йонса Мӧскашорысь кадетъяслӧн 7 морта котырӧн юрнуӧдіс Галина Гриффитс.
Великӧй Отечественнӧй война дырйи Псков обласьтын тышкасис тшӧтш и 28-ӧд Невельскӧй дивизия, а поискӧвикъяс нуӧдӧны сэні вахтасӧ 2006 восянь.
Дас лунӧн ӧтувъя корсьысян отряд "кыпӧдіс" война дырйи усьӧм Гӧрд Армияса 46 салдат-офицерӧс. Сюрис нёль медальон, найӧс ыстылісны Казаньӧ, медым туявны салдатъяслысь ним-овсӧ. Но куим медальонас некутшӧм гижӧд абу вӧлӧма.
Нёльӧдас вӧлі пасйӧма: Иван Мит-рофанович Бондаренко, чужлӧма 1907 воын Ростов обласьтын.
Нёльӧд медальонсьыс гижӧдсӧ лыддьӧма эксперт Рафик Салахиев. Ӧні корсьӧны усьӧм салдатлысь рӧдвужсӧ.
Вахта дырйи кыпӧдӧм боечьясӧс дзебисны Псков обласьтын Усвяты районса Чурилово грездын.
Сергей ТАСКАЕВ
