Реклама.

Новости Республики Коми | Комиинформ

Би киньӧс чолӧмалӧ Мурзилка

Би киньӧс чолӧмалӧ Мурзилка
Би киньӧс чолӧмалӧ Мурзилка
logo

"Би кинь" журналлӧн бӧръя петас кышӧдын Маньпупунёрса изъяс дорын сулалӧны югыдгӧрд юрсиа Би кинь да гӧрд шапкаа Мурзилка. Мурзилка чолӧмалӧ Би киньӧс коми журналлы 35 во тырӧмӧн, а республикаын став олысьӧс – Комилӧн 100 вося юбилейӧн.

Кыдзи нӧ паныдасисны челядьӧн радейтана тайӧ кык геройыс?

–Июль заводитчигӧн на ми шыасим "Би кинь" лыддьысьяс дорӧ, медым юксясны мӧвпъяснас, мый позьӧ серпасавны журналлӧн июлься номерса кышӧдын. Уна буртор вӧзйылісны, но век жӧ мыйкӧ оз вӧлі тырмы, – висьталіс "Коми йӧзӧдчан керкаӧн" веськӧдлысь Инесса Орёл. – А июль 6 лунӧ асывсяньыс Мурзилка йылысь мӧвпыштім. Йитчим Москваысь татшӧм нима журнал редакциякӧд, и сэні зільысьяс корисны письмӧӧн шыӧдчыны на дорӧ. Час джын мысти нин письмӧыс вӧлі дась. Стӧч вежон вочакывсӧ виччысим, дерт, и майшасим ёна, мый, мися, бара вочавидзасны. А найӧ дасьӧсь вӧлӧм миянкӧд ёртасьны, чолӧмалісны 35 вося тшупӧда пасӧн Би киньӧс да 100 вося юбилейӧн Коми Республиканымӧс.

Со мый Мурзилка пасйӧма чолӧмалана гижӧдас:

Дона Би кинь!

Меным да "Мурзилка" журналын став зільысьыслы нимкодь чолӧмавны тэнӧ 35 во тырӧмӧн! Нимкодь сыысь, мый ми вӧчам ӧтувъя да зэв тӧдчана удж: велӧдам посни войтырӧс аддзыны ас гӧгӧрысь мичсӧ да туйдам лоны бур йӧзӧн, ышӧдам найӧс радейтны коми да роч кыв, литература, история да культура, корсям енбиа нывкаясӧс да детинкаясӧс. Ӧти кывйӧн, кӧдзам мывкыдлун да шаньлун.

Окота тӧдчӧдны нӧшта ӧтитор. Тэнсьыд юбилейтӧ пасъям Коми Республикалӧн 100 вося тшупӧда паскӧд тшӧтш. Ме тӧда, мый Россияса сизим медыджыд дивӧ лыдӧ пырӧ Комиысь Маньпупунёр. Сэні зэв мича – тайӧс ме ӧні тӧда жӧ. Кор ми ветлім сэтчӧ тэкӧд, менам и вын-эбӧсӧй содіс, и выль мӧвпъяс юрын чужисны. Кӧсъя, мед тэнад лыддьысьысьяс тшӧтш ветласны сэтчӧ да аддзыласны тайӧ мичлунсӧ!

Чолӧмала тэнӧ, Би кинь, и Коми Республикаӧс татшӧм тӧдчана пасъясӧн! Дзоридзалӧй, сӧвмӧй! Сиа крепыд дзоньвидзалун – ӧні тайӧ зэв колана!

Пыдди пуктӧмӧн, Мурзилка да журнал редакция.

* * *

"Би киньӧс" юбилейӧн чолӧмалӧны тшӧтш республикаса юралысь да мукӧд чина войтыр. Налысь бурсиӧмсӧ позьӧ лыддьыны петаслӧн июлься номерын. А сідзжӧ тӧдмасьны журналлӧн тшӧтшъяяслӧн казьтылӧмъясӧн – кыдзи найӧ кутӧмаӧсь ёртасьны "Би кинькӧд".

Кыдзи и век, журналын йӧзӧдӧма коми гижысьяслысь висьт-кывбуръяс, а нӧшта – том йӧзлӧн республикаса библиотекасянь "Гулень" комикс, Таисия да Данила Чаплыгинъяслӧн семьякӧд интервью да уна мукӧдтор. 

Дзен
Год героев в Республике Коми


Реклама
  • ИП Попов А.П.
  • ИНН: 602715631406
Весишь 81? А будешь 51! Похудение для ленивых! Пейте 1 кислую...
Реклама
  • ИП Попов А.П.
  • ИНН: 602715631406
Этот танец невесты оставит вас без слов! Пересмотрела 10 раз!
Реклама
  • ИП Попов А.П.
  • ИНН: 602715631406
Чтобы давление всегда было 120\80, прекратите добавлять в еду...
Реклама
  • ИП Попов А.П.
  • ИНН: 602715631406
Много лет диабета закончились за 2 дня! Теперь сахар в норме...
Реклама
  • ИП Попов А.П.
  • ИНН: 602715631406
Ложку перед сном и все! За неделю уйдет 13 кг возрастного жира...
Реклама
  • ИП Попов А.П.
  • ИНН: 602715631406
Чтобы суставы не хрустели, а боль ушла, перед сном мажьте этим...



На сайте осуществляется обработка пользовательских данных с использованием Cookie в соответствии с Правилами использования cookies. Оставаясь на сайте, Вы соглашаетесь с условиями Правил. Вы также можете запретить сохранение Cookie в настройках своего браузера.