Реклама.

Новости Республики Коми | Комиинформ

"Шылада косьӧ" — сьыланкывйӧн

"Шылада косьӧ" — сьыланкывйӧн
"Шылада косьӧ" — сьыланкывйӧн
logo

Усинск районса Усвавомын медводдзаысь на котыртлісны-нуӧдісны "Битва хоров" концерт-конкурс, кодӧс сиисны Айму вӧсна Ыджыд тышын Вермӧмлы.

"Шылада косьын" вермасисны сиктса вит хор: детсадйын зільысьяслӧн "Синяя птица", больничаын уджалысьяслӧн "Красный крест", школаын велӧдысьяслӧн "Лира", уджвывса ветеранъяслӧн "Нам года – не беда" да орчча Нӧвикбӧж грездысь школа-садйын зільысьяслӧн "Северная жемчужина".

Быд котырлы коліс сьывны война кадся да чужан му йылысь сьыланкыв, а сідзжӧ дасьтыны на дорӧ сценавывса петкӧдчӧм.

41.jpg

Конкурсӧ пырӧдчысьяс зілисны петкӧдчыны медся бур боксянь да шензьӧдісны эз сӧмын мыла гӧлӧснас, но и мича костюм-паськӧмнас.

Нимкодьӧдісны артистъяс "Журавли", "Вальс фронтовой медсестры", "Мой дом – Россия", "Снегири", "Дорога на Берлин" да уна мукӧд сьыланкывйӧн. Ворсісны гитараӧн да баянӧн.

Сцена вывсянь на вылӧ видзӧдігӧн йирмӧг босьтліс, ӧд тыдаліс, мыйта вын-эбӧс пуктӧмаӧсь петкӧдчысьяс, сьӧлӧмсяньыс дасьтысьӧмаӧсь! Репетируйтӧм вылӧ уна кад вичмӧдӧмыс да вермыны окотитӧмыс эз весьшӧрӧ коль – быд петкӧдчӧм вӧлі сьӧлӧмӧ йиджана, аслыспӧлӧс да яръюгыд.

42.jpg

Видзӧдысьяслы ёна и кажитчисны сьыланкывъясыд – артистъясӧс аттьӧалісны гораа клопайтӧмӧн да "Браво!" горзӧмӧн.

А сэсся воис кад жюрилы, кытчӧ пырисны Усвавомса администрацияӧн веськӧдлысь Тамара Полётова, Усинск районса ветеранъяслӧн котырӧн юрнуӧдысь Надежда Шитова, Афганистанса, Чечняса да мукӧдлаын йӧзӧдлытӧм войнаса ветеранъяслӧн Усинск карса котырӧн веськӧдлысь Сергей Новосёлов, Усинск карса искусствояс школаын велӧдысь Надежда Ловгиненко да Усвавомса участкӧвӧй уполномоченнӧй Павел Варанкин, бӧрйыны вермысьясӧс.

43.jpg

Колӧ пасйыны, донъялысьяслы ёна воӧма сьӧлӧм вылас татшӧм выль сикас кон-курсыс, да вӧзйӧмаӧсь и водзӧ сійӧс нуӧдны-котыртлыны.

И сідз, "Самое душевное исполнение" нимпасын вермис детсадйын зільысьяслӧн "Синяя птица" хор. "Самый артистичный хор" номинацияын медбурӧн шуисны больничаын уджалысьяслысь "Красный крест" котырӧс. Нӧвикбӧжса школа-садйысь сьылысьяслы сетісны "Самый мелодичный хор" ним. "Суперхорӧн" лоис велӧдысьяслӧн "Лира". А "Шылада косьын" вермысьӧн лои уджвывса ветеранъяслӧн "Нам года – не беда" котыр. Найӧ збыльысь вӧліны медбуръясӧн!

44.jpg

Яръюгыд, сьӧлӧм вӧрзьӧдана конкурс-гаж артмис! А медтӧдчана сійӧ, мый бур сьыланкывъяс бара на чукӧртлісны-ӧтувтлісны уна йӧзӧс, война кадся шылад йиджис видзӧдысьяслӧн сьӧлӧмӧ шаньлунӧн да мелілунӧн.

Людмила КАНЕВА

Усвавом сикт, Усинск р.

Дзен
Год героев в Республике Коми


Реклама
  • ИП Попов А.П.
  • ИНН: 602715631406
Сексолог: "Если хотите крепкую потенцию, никогда не ешьте...
Реклама
  • ИП Попов А.П.
  • ИНН: 602715631406
Шум и звон в голове - это начало инсульта! Пока сосуды не ...
Реклама
  • ИП Попов А.П.
  • ИНН: 602715631406
Близость будет по 2.5 часа! Рецепт здесь
Реклама
  • ИП Попов А.П.
  • ИНН: 602715631406
Врач рекомендует! Найден злейший враг боли в суставах!
Реклама
  • ИП Попов А.П.
  • ИНН: 602715631406
Чтобы в постели с мужем проблем не стало, использую старый...
Реклама
  • ИП Попов А.П.
  • ИНН: 602715631406
Не трогайте больные суставы! Просто перед сном смажьте обычным...



На сайте осуществляется обработка пользовательских данных с использованием Cookie в соответствии с Правилами использования cookies. Оставаясь на сайте, Вы соглашаетесь с условиями Правил. Вы также можете запретить сохранение Cookie в настройках своего браузера.